CLICK HERE FOR THOUSANDS OF FREE BLOGGER TEMPLATES »

غزه الصمود صبرا

الأربعاء، 6 يناير 2010

ليه بتعملى كده؟




ليه يا مصر بتعملى كده

ليه مصممه تفضلى السجّان حتى بعد ماجتلك الفرصه انك تثبتى العكس

ليه بتخنقى اول جيرانك والنبى وصانا بسابع جار فوالله لا يؤمن من لا يأمن جاره بوائقه

ليه بتضربى وبتعذبى وبتسجنى اللى عايز يساعد وجاى من آخر الدنيا يعمل حاجه كويسه

ليه خليتى العالم يحطنا مع اليهود فى نفس البرواز

ليه سمحتى ان الغرب يعتصم قدام سفارتك كأنك اسرائيل

كلنا بنحبك يا بلدى لكن الظاهر حب من طرف واحد

خايفه على سيادتِك وحدودك وخايفه على امنك القومى .. تمااام لكن من مييييين

من ميييين يا مصر

!!!!!!!!!

ده يا عالم دخلت امرأه النار فى هره حبستها فمابالكم بناااا حابسين اكتر من مليون ونص مسلم

مسلم يا ناس


انا فى غايه الخجل والله انى مصريه

ونفسى اعتذر لكل العالم واقولهم والله ماهو ذنبى ولا ذنب اى واحد بيحب مصر ومهما حصل هفضل مصريه مسلمه بحب بلدى بس بحب الاسلام اكتر

وبنتمى لبلدى لكن انتمائى للاسلام اعظم

صحيح ان فى بطاقتى مصريه لكن قبلها مسلمه واخويا الفلسطينى المسلم ليه حق عليا لانى مسلمه


قوموا بقى يا مسلمين وكفايه عنصريه وياريت نبطل نقول انا مصرى وده فلسطينى وده امريكى ( إنما المؤمنون إخوه)

( وإن استنصروكم فى الدين فعليكم النصر)

ده امر من ربنا هننصرهم ولالا

الاجابه ليكم

دول اخوانكم ودى بلدكم والامر يرجعلكوا


وحسبنا الله ونعم الوكيل


ربنا لا تؤاخذنا بما فعل السفهاء منا