CLICK HERE FOR THOUSANDS OF FREE BLOGGER TEMPLATES »



غزه الصمود صبرا

الجمعة، 27 يونيو 2008

ابو لمعه

شوفوا معايا يوم فى حياه ابو لمعه فى الجامعه ازاى

ابو لمعه: هاى فصيح
فصيح: اهلا ابو لمعه انت حولت الكليه دى انت كمان؟
ابو لمعه: ايوه يا سيدى وراك وراك
فصيح: بس مالك وشك مخطوف واصفر كده ليه؟!
ابو لمعه: وهيتخطف من ايه يعنى دا انهارده كان يوم جميل وسعيد بالنسبه ليا ....عادى زى كل يوم
فصيح: طيب احكيلى عنه...
ابو لمعه: شوف يا سيدى ... اختى الصغيره صاحيتنى بكل حب واحترام وقالتلى قوم بقى قرفتنى ...لالا اقصد قوم يا حبيبى عشان تفطر اصلها مؤدبه جدا ومتعلمه الذوق من اللى بتشوفه فى برامج الاطفال
فصيح : ما شاء الله عليها .. ها وبعدين
ابو لمعه: وبعدين يا سيدى فطرت فطارى المعتاد فول بالسرطان .. يوووه اقصد بالزيت الحار بصراحه مابحبش اكل الا الفول على الرغم من ان اخواتى عندهم انيميا ...لا اقصد تخمه تخمه من اكل الكبده ..والبيض..واللبن ..والفاكهه ..واللحمه مانت عارف بقى ان الحاجات دى رخيصه ومابتنقطعش من البيت
فصيح: ياه كل ده ماشاء الله وبعدين؟
ابو لمعه: وبعدين حبيت اعلم اخويا الصغير حاجه تنفعه .. تصور علمته حرف الالف وشبهتهوله بكوز الذره ساب الالف وقعد يسالنى بابا هيجيب ذره امتى...يووووه قصدى عرف الالف بسرعه اصله ولد نبيه ومفيش حاجه بتشغل دماغه
فصيح: ايوه ياسيدى طبعا طالع نبيه لاخوه... مش اختى اللى بسالها اللحمه نشويات ولا بروتينات قالت طالما مابنشوفهاش تبقى ممنوعات!
طيب ياسيدى يمكن حاجه تانيه ضايقتك جو البيت مثلا قوللى بصراحه
ابو لمعه: جو البيت ايه ده اللى انت بتتكلم عنه دا انت تدخل بيتنا تحس انك داخل ملعب كوره.. لا يا اخى تحس انك داخل مكتبه لخبطنى
فصيح: ما شاء الله
ابو لمعه: وبعدين لما جيت انزل من البيت بابى طلعلى خمس......خمسين جنيه عشان يديهالى مواصلات ومامى حلفت ما اخدها..قصدى حلفت ليزودنى يمكن حد يركب معايا من اصحابى ولا حاجه
فصيح: يا سلام كلكم شهامه
ابو لمعه: بس يا سيدى والمواصلات كانت ساااااهله جدا ومتوفره لكل الطلبه وجيت بقى اشترى الكتب لاقيتها رخييييييييصه وقيمه جدا مش ورق لحمه ولا حاجه ابدا.... وادينى قدامك اهو وشى هيصفر من ايه بقى؟
فصيح :خلاص ياسيدى بلاش النهارده يمكن حاجه ضايقتك امبارح
ابو لمعه: حاجه ضايقتنى امبارح؟!! امبارح!! ايوه افتكرت فتحت التليفزيون لقيت برنامج فوازير شغال بيسال عن اسم بلد معرفتش احلها
فصيح: فزوره ؟ طب مش تقول ده انا احسن واحد احل فوازير قول قول
ابو لمعه: شوف يا سيدىاذكر اسم البلد(......) اتخصخص اللى فيها واتباع بأرخص ثمن ..وامراض هدت ولادها بتسيب وراها الالم...وسهل النهب فيها من غير خشى او ندم ... والفقر ظاهر فيها وكأنه هو العلم... وبطاله ماشيه فى شبابها كسرت معاها الهمم
ابو لمعه: قول بقى يا سيدى اسم البلد دى ايه؟ هه رد عليا ... انت سكت ليه... فصيح مالك وشك مخطوف واصفر كده ليه؟!!
فصيح..... فصييييييييييح

تأليف شباب الاسلام فى كليتنا

الأربعاء، 18 يونيو 2008

فتاه عاشقه

احتارت الام فى ابنتها الطالبه الجامعيه هبه التى لم يمض على التحاقها بالجامعه سوى عام واحد

فلقد تغيرت هبه كثيرا اصبحت تحب الناس وتسأل عن الجميع وتبش فى وجهه كل من تقابله بعد ان كانت لا تحب ان تكلم احدا ولا تعرف كيف تدير حوارا لطيفا

اصبح اسلوبها فى الحديث منمق ..اصبحت عيناها تبرق ببريق يوحى بالسعاده

وحينما تدخل عليها الام تجدها شارده ببصرها وتبتسم كأنها ترى احدا .. او تذكر موقفا جميلا وشفتيها تردد" يارب"

فعرفت الام ان هبه قد وقعت فى حب احد الزملاء فى الجامعه حيث ازداد حرص الفتاه على عدم التغيب عن الجامعه

ولم تستطع الام ان تصارحها بظنونها ولكنها لم تجد بدا من دخول غرفتها وتفتح بعض كتبها ودفاترها وتبحث ربما تجد شيئا يفسر حيرتها ولتقف بجوار الابنه وترشدها قبل ان يحدث مالا يحمد عقباه

فوجدت الام فى احد الكتب قلب كبير رسم فيه قلبين كبيرين وحولهما قلوب صغيره وفى احد القلبين الكبيرين قرات اسم "محمد"

فتأكدت الام من ان هبه تحب شابا يدعى محمد فازداد قلقها ولم تخبرها بأنها عرفت السر

ولكن ما شغل الام كثيرا ان فتاتها تقريبا كانت ستكتب اسم هذا الشاب كاملا ولكنها شغلت فيما يبدو ولم تكمل الاسم

فظلت الام تبحث يوميا حتى تعرف اسم هذا الشاب وتسأل عليه

الى ان وجدت تحت الاسم مكتوب "صلى الله عليه وسلم" وفى القلب الاخر مكتوب "الله عز وجل" اما القلوب الصغيره فملأتها بأسماء اهلها المقربون وصديقاتها

فأغلقت الام الكتب ووضعتها فى مكانها وخرجت من الحجره واغلقتها وهى تبتسم وتحمد الله بعد ان ادركت ان ابنتها التقت مع قلوب ايقظت فى قلبها حب الله ورسوله

واطمأنت على انها عاقله راشده وفوجئت بها عائده من الجامعه وهى تحمل لوحه بعنوان

"فى حب الله ورسوله" لتعلقها فى غرفتها

من تأليف بنات الاسلام فى جامعتنا

الاثنين، 16 يونيو 2008

بحب الحريه

المدونه دى كنت عاملاها عشان اتكلم عن حبيبى سيدنا محمد صلى الله عليه وسلم ولكن لاقيت مواضيع كتيره تانيه لازم اتكلم فيها بالذات فى الايام دى بس اكيد مش هسيب موضوعى الاساسى

كان عندى عصافير فى قفص جلست امامهم مده طويله وهم يتحركون داخل القفص

تخيلت لو انا كنت مكانهم محبوسه كده ومش بإيدى اخرج

ياااااااااااه احساس رهيب حسيت ساعتها انى بحب الحريه جدا

لكن سرحت شويه مع نفسى وقلت ماهو فى ناس محبوسه بالسنين وماحدش بيسأل فيهم

وياللمأساه لو كانوا مظلومين او بمعنى اصح مصلحين

عرفت ان دى ضريبه لازم تدفع

وآلمنى جدا موضوع كان كاتبه احد المعتقلين بعد وفاه امه وهو داخل المعتقل

احساس بشع وصعب جدا لما يكون على امل انه هيخرج ويشوف امه ومنتظر اليوم ده وبعدين يعرف انه مستحيل يشوفها بعد كده

ويؤلمنى ايضا عند زياره اهالى المعتقلين للمعتقلين وحاله البكاء والحزن التى تنتابهم لحظه الفراق

حسيت باحساسهم انى موجوده فى اربع حيطان فى كام متر مده طويله ولكن اللى بيهون والله الصحبه الموجوده

كل لما افكر فى المعتقلين بقول كلمتين : اين انت ياسيدنا عمر؟؟؟ \ ولو كان الرسول موجود وسطنا هيكون احساسه ايه؟؟!!!

ارجو من الجميع الا ينسى اخواننا المعتقلين من الدعا حتى ولو كان اتحكم عليهم فإن الله هو القاهر فوق عباده

الأربعاء، 11 يونيو 2008

محمد باااااااااااق

فى زمن الردة والبهتان .... إرسم ما شئت ولا تخجل .....فالكفر مباح يا فنان

فزمان الردة نعرفه ...... زمن المعصية بلا نكران

إن ضل القلب فلا تعجب ......أن يسكن فيه الشيطان

لن يشرق ضوء من قلب ..... لا يعرف طعم الإيمان

فإرسم ما شئت ولا تخجل .... فالكل مهان

واكتب ما شئت ولا تخجل .....فالكل جبان

لا تخشى خيول أبى بكر .... أجهضها جبن الفرسان

وبلال الصادق فوق المسجد......أسكته سيف السجان

أتراه يؤذن بين الناس .....بلا إستئذان ؟!

أتراه يرتل بسم الله ولا يخشى ....بطش الكهان؟!

فارسم ما شئت ولا تخجل ......فالكفر مباح يا فنان

واكتب ما شئت ولا تخجل ....فالكل مهان

الكل جبان ....أسألك بربك يا فنان

هل تجرؤ يوما أن تكسر ....أحد الصلبان؟!!

أن تسخر يوما من عيسى .....أو تقذف مريم بالبهتان؟!

خبرنى يوما يا فنان ....حين تفيق من الهذيان

هل هذا حق الإنسان....أن تغرس حقدك فى الإسلام؟؟

أن تشعل نارك فى القرآن ؟ ...أن تسخر بحبيب الرحمن؟

ارسم ما شئت ولا تخجل فالكفر مباح يا فنان

دع باب المسجد يا زنديق دع المصطفى دع القرآن

وقم واسكر بين الأوثان سيجيؤك صوت أبى بكر

ويصيح بخالد قم واقطع رأس الشيطان

فمحمد باق .....ما بقيت دنيا الرحمن

وسيعلو قول الله .....فى كل زمان ومكان